علي كورنيش اسوان ، علي مرسى معبد " فيلة " وانت بتجري علشان تلحق المركب توصلك للمعبد ، حتلاقي علي الصفين ، بياعين مصريين فارشين بضاعتهم وفنهم وكنوزهم وكنوز صنعتهم ، تذكارات وهدايا للزوار والسياح ، تذكارات من الحضارة القديمه اللي لسه رافعه رايات فخرها وشامخه باثارها ورسالتها للعالم كله ، هناك ، حتلاقي حاجه جميلة ، تمثال عقد حلق حته حجر ملونه ، حتلاقي حاجه جميله تخطف قلبك وروحك ، حاجه حتقف وتنسي الدنيا وتشتريها وتحتفظ بيها تذكار لرحله جميلة ..انا خطفني كل حاجه هناك وماكانش ينفع اشتريهم كلهم ، لكن كان ينفع اصورهم واحتفظ بيهم كلهم في ذاكرتي وقلبي ، فكانت هذه الصور
ليست هناك تعليقات:
إرسال تعليق